احالة فيلم واحد صفر الى النيابة


قرر النائب العام عبدالمجيد محمود احالة فيلم " واحد صفر" لنيابة جنوب القاهرة نظرا لمساسه بثوابت العقيدة المسيحية، وكان المحامي نجيب جبرائيل قد اثار مشكلة ان فيلم واحد صفر المعروض حاليا بدور العرض يتطرق لجوانب من العقيدة المسيحية لا يفترض مناقشتها في فيلم سينمائي.

وحول السبب قال المحامي نجيب جبرائيل:" هناك مشهد بالفيلم تطلب فيه الهام شاهين الطلاق فيرد المحامي عليها انها لديها حل من الاثنين اولا ان ترفع دعوى قضائية على الكنيسة والثاني ان تشهر اسلامها، وقد اعتبر ذلك تحريض للمسيحيات للدخول في الاسلام.
كما تلعب الهام شاهين دور السيدة القبطية التي اتجهت للرذيلة بعد فشلها في الحصول على الطلاق مما اعتبره المحامي ايضا تحريض على ممارسة الرذيلة.
وحول القضية ردت الفنانة الهام شاهين بطلة الفيلم قائلة :
المحامي انتقد أن السيدة اتجهت للرذيلة بعدما فشلت في الحصول على الطلاق، وأريد أن أقول له هل كل المسيحيات ملائكة لا يخطئن؟ نحن نجسد شخصيات لمسلمات يخطئن ويرتكبن الفاحشة، ولم يعترض أحد على ذلك، فلماذا الإعتراض حينما تم تطبيق ذلك على شخصية مسيحية؟.


اعلان فيلم واحد صفر




مقالات ذات صلة :
اتهام فيلم " واحد صفر" بمخالفة المسيحية والتحريض على الفتنة

13 تعليق:

غير معرف يقول...

انا اسمى محمد وانا بحترمهم على شان بيدفعو عن دنهم
من حقهم الدفاع عن دنهم
بس مايقلاقوش فى كتير بيدافع عنهم
لاكن الدور والباقى على الى كل شويا يجيبو حرامى ولا سكرى ولا بتع نسوان ولانصاب ولا ارهابى فى صورة شيخ بيمثل الدين الحق هو دين الاسلام
بس ده لى رب يدافع عنه

غير معرف يقول...

الفيلم لم يحل اى مشكلة وخليكم فى حالكم ومالكوش دعوة بالمسحيين شوفوالكم حاجة تانية اتسلوا بيها او روحوا صلوا ربنا يرشدكم

غير معرف يقول...

ياه كويس جداً استغلال الدين فى تكوين ربح يترى لما تقول فى فيل بيمس الديانة المسيحية كام واحد بيحب يتفرج عليه على الاقل يعرف حاجة عن دين ميعرفش عنه حاجة سؤا كانت صح او غلط و المحامى هو فعلاً زعلان ولا بيساعد فى نشر الفيلم يلا مالناس غلابة مش فاهمة وكويس ان الافلام تستغل الجهة الجنسية المكوبتة لدى الشباب لارتفاع سن الزواج فى الربح المادى سوء يليق او لا معلش باسم احنا بنعالج مشكلة بس بعمل اكتر من 100000000 مشكلة صح بتستغربوا على حوادث الاغتصاب الى كترت مش اكيد ليها سبب وسبب المجتمع الى ثقافته بتهبط ربنا يكون فى عون الشباب فى سبيل مكسب بيضيع منهم الى عقله على قاده شكراً

غير معرف يقول...

ياجماعة دة نقد فى العقيدة المسيحية والست الهام شاهين عاوزة تعمل بينا مشاكل وهيا مش ناقصة ياريت يا الهام تدورى على حاجة كويسة تعمليها مش بدل المسخرة بتاعت افلامك تعملى فيلم يجرحنا كفاية تجريح واهانة ولكن عاوز اقولك كفاية تجريح وربنا هيطولك قريب

غير معرف يقول...

والله انا مش عارف ايه اللي حصل للمثلين ,هوا معدش في طريق لاكل العيش بالنسبالهم الا بالعرى او الافلام الهبلة او المساس بالعقائد والاديان ميشوفو قصة عدلة ومحترمة ويمثلوها بدل ما هما عايشين في التفاهات والافلام الهابطة بتعتهم دي ,وانا عايز افهم حاجة ايه السبب اللي يخلي الافلام المصرية تكون بالشكل الاهبل اللي يسيء للدين ؟
وايه اللي يخلي الممثلات تتعرى؟
نفسي حد يرد عليا بجواب مقنع

غير معرف يقول...

الحقيقه انني لم اشاهد الفيلم لكن من الاعتراضات المثاره ضده فهمت مضمونه ورايي انه اذا كان من حق الاخوه المسيحيين ان يغضبوا لدينهم فعلينا نحن المسلمون ان ننتحر بشكل جماعي وهذا اقل ما يجب

غير معرف يقول...

i tell christians their comments here are over reacting cause its the cinema which is not even a correct thing to judge on,,,,
and that lawyer should have thought of something more respectable to do in his life instead of making a problem or a crisis in his country with his hollow opinion..this is called lawyer trying to get fanmes thru destroying country weak minds like normal educated people which is the majority

غير معرف يقول...

انا شيفه ان الفيلم مجبش حاجه من عنده مش دا الواقع ولازم الناس تبقي على علم بكل ماهو سارى زى مافي بردو مشاكل تانيه مبتخصش الميسحين وبتعرض وزى ما بيعرض حاجات لصالحهم يعنى كل ما هو سارى بيعرض للعلم بالشئ

غير معرف يقول...

الفيلم اكثر من رائع

غير معرف يقول...

يا جماعة السينما ممكن تناقش وتعرض مشكلة وبعد كدة يكون ليها جوانب من الحل بس ماينفعش ان السينما تناقش قضية حلها معروف ولا بديل عنة لا طلاق في المسيحية دة قانون ونص الهي لايمكن لاي انسان التدخل فية

غير معرف يقول...

انا نفسى اعرف امال لية لما الفنانة هالة صدقي
(المسيحية)راحت اسلمت علشان تحصل على طلاقها بأمر من
القس محدش فتح فمة وشوفتة ان دة من حقها ودلوقتى
بعض الناس متضررة لمجرد طرح نفس الفكرة فى الفيلم
( اتقوا اللة)

غير معرف يقول...

اصل دلوقتى الفيلم بيتقاس بجماهريتة وعمل كام مليون واسهل طريقة طبعا أثارة موضوع طائفى او جنسى صح غلط مش مهم المهم لم كام وازمة وتعدى

غير معرف يقول...

انا علاء ــ هو احنا كده مش فالحين غير فى المسخره والكلام الفاضى يعنى فيها ايه لما نعمل فيلم محترم ويقول اللى هو عاوزه بس ازاى لازم ده يقلع ودى تتعرى علشان نوصل الفكره بالظبط يعنى باختصار (السم فى العسل) والله الواحد دلوقتى يدخل الفيلم وهو عارف لازم يبقى فيه حاجه ولو مفيش يبقى المخرج لاسع او الكاتب واحد من الاتنين
alaa_lover2009@yahoo.com

إرسال تعليق

Nogoom FM نجوم اف ام



ادخل ايميلك ليصلك جديد الأخبار