انباء غير مؤكدة عن حالة انفلونزا خنازير بالقاهرة


في سبق جديد تم العثور على معلومات غير مؤكدة حتى الان عن وجود حالة انفلونزا خنازير بمستشفى امراض الباطنة بالقصر العيني، ومصدر المعلومات هم الطلبة ولكن المسؤولين حتى الان في المستشفى يقولون انها حالة انفلونزا طيور وليس خنازير ولكن يجرى الان اجراء التحاليل اللازمة.

وعند التواجد في المستشفى وجد ان كافة العاملين يرتدون كمامات على غير العادة وان هناك اجراءات وقائية صارمة بسبب وجود حالة اصابة بفيروس انفلونزا الطيور في الدور السابع بالمستشفى .. وعند سؤال بعض الطلبة اكد بعضهم انهم سمعوا بان الاصابة هي حالة انفلونزا خنازير.. ويجرى حاليا التاكد من الخبر..
يبقى الخبر الاكيد هو وجود حالة انفلونزا طيور بالدور السابع بمستشفى الباطنة.

15 تعليق:

غير معرف يقول...

لو سمحتم عاوز انزل اقناة الفضائية بانوراما دراما
على سطح المكتب وما هي الطريقة
وشكرا جزيلا

غير معرف يقول...

وليه لو فيه فعلا مش بيقولوا الحقيقه
عشان الناس تعرف وتتخذ الاجراءات الوقائية
حسبى الله ونعم الوكيل

Taha El-Agamy يقول...

من غير ما أروح و أشوف بعينى, انا على يقين أن دى حالة انفلونزا الخنازير
رغم كل الاجراءات اللى تمت, الخبر ده بيأكد ان احنا عمرنا ما هنبقا بلد عدلة أبداااا
و أكيد التكتيم على الخبر أول إجراء هيتخذوه قبل ما يقوموا بعلاج الحالة دى

غير معرف يقول...

ربنا ستر

غير معرف يقول...

يا جماعة دي كلها اشتغالات عشان يخلو الناس مش عارفة تعمل ايه وتفضل ع طول في خوف وقلق من كل حاجة
حراااااااااااااااااااام عليكو بقى كفاية

غير معرف يقول...

ها قد بدئت الحرب فأستعدوا يا اهل مصر وكل واحد يحبس ولاده فى الحمام عشان دا أمن مكان

غير معرف يقول...

انا مع الاخ اللي بيئول يا جماعة دي كلها اشتغالات معلش احنا كده على طول من ايام الفراعنه واحنا عايشين بالكرباج وبالقمع والتخويف والترهيب ودي حركة اشتغالة عشان الناس تكن وتنام ف الدرة وما تسألش عن ازمة العيش ولا ازمة الدقيق ولا كادر المعلمين ولا الحوافز والشعب يعيش في كرتونه ياللا باي بينا اتصالات

غير معرف يقول...

حسبي الله ونعم الوكيل سواء انفلونزا طيور او خنازير ده من غضب ربنا علينا انا عايز اعرف احنا ازاي بلد اسلامي عربي وعندنا حيونات حقيره زي الخنازير والاغرب ان في مسلمين بيكلوها تعرفوا ان الخنزير حيوان يحتوي علي طبقه دود تحت جلده وهو حي
ولسه ياما ربنا هيعمل فينا احنا نستاهل اكتر من كده هنتحدي مين واحنا ايه اساسا؟؟؟؟؟؟؟

غير معرف يقول...

حسبى اللة ونعم الوكيل دى اكيد حالة انفلونزاخنازيرودة فعلا غضب من اللة ياريت نفوق بقةبقة

غير معرف يقول...

ربنا يستر علينا وياريت لو خبر حقيقى يتعلن

غير معرف يقول...

حسبنا الله و أعمل فيك توكيل منهم لله اللى كانوا السبب فى المصيبة دي

مصطفي يقول...

ياجماعه ان شاء الله خير ومش هيكون في اي حاجه

غير معرف يقول...

وليه مايكونش اللى كاتب الخبر ده هو اللى عايز يقلب الدنيا ويخوف الناس وخلاص اقولكم على حاجة لو قولتوها تقيكم اى سوء وبقولها انا وزوجى من ساعة ما انتشر الوباء ده " اعوذ بكلمات الله التامات من شر ما خلق" ثلاث مرات الصبح و في مساء عن احد احاديث الرسول صلى الله عليه وسلم
Soly_du

غير معرف يقول...

انا شايف ان ده ممكن يحصل وده طبيعي انه يتكتم علي الخبر وده لمصالح عليا ..

شيكاتو يقول...

الله اعلم ممكن وممكن ربنا هو اللى يعلم بكل شئ لانى كان فى للطيور وربنا يسترهااااااااااااااااا

إرسال تعليق

Nogoom FM نجوم اف ام



ادخل ايميلك ليصلك جديد الأخبار