اغنية شعبان عبد الرحيم - اوباما


اغنية جديدة من شعبولا :


كلمات الاغنية :
انا شايف الابتسامة
والفرحة ع الوشوش
اياك يا ناس اوباما ميكونش زي بوش
واييييييه

بوش يخربيت سنسن
ضيعن ايام وسنين
اوباما الناس فاكرينه هيكون صلاح الدين

هيعمل ايه اوباما فمصايب بوش وابوه
مسبوش مكان فالعالم الا اما خربوه

مجعات وازمة مالية
وخراب دمار وحروب
اهو غار ابن المؤذية
سبهالنا يا ناس ع اطوب

مين يعرف ولا يعلم
في ايه جوا النفوس
بلاش من بدري نحلم
لايكون الحلم كابوي

خلينا زي ماحنا
ما الهم خدنا عليه
راح بوش وجه اوباما
يعني هيحصل ايه

لسه فلسطين محتلة
والحرب فالعراق
الناس عايشة فمذلة
وعداء بيجيب عداء

مهما يعمل اوباما
ويلف شمال ويمين
لا هيرجع الحريري ولا حتى الشيخ ياسين

عرفات مش جاي تاني
دا عاش ايام سواد
دا مات وكطلو عارف دي حركة مالموساد

يا عربي الف سلامة
يا عربي يا عيني عليك
قاعد مستني اوباما عشان ياخد باديك
لا بوش ولا حتى اوباما بيفكر فيك
يا عربي مفيش غير ايدك هي اللي راح تحميك

5 تعليق:

abderrahman يقول...

الأغنية دي قديمة
فيه واحدة تانية لسه عاملها من كام يوم عن الزيارة

غير معرف يقول...

اغنية جامدة جدا بجد وقال الحقيقة وصلها لكل الناس من شخص امى والمتعلمين قاعدين مستنين الحسنة منة حرام بجد احنا كنا اسياد العالم يا جماعة

KAZANOVA يقول...

الاغنيه دى بجد جامده وبتوضح الحقيقه لكل الناس وبتعرفنا اننا المفروض نتحد مع بعض مفيش حد هيجيبلنا حقنا احنا الى هنجيبو انا بحيي شعبان على الاغنيه دى

غير معرف يقول...

انا بشكر شعبان على الاغنية

غير معرف يقول...

بصراحة كلماتها حلوة قوي

إرسال تعليق

Nogoom FM نجوم اف ام



ادخل ايميلك ليصلك جديد الأخبار