مقتل طالب داخل جامعه القاهرة


نشبت احد المشاجرات الكبرى في داخل حرم جامعه القاهرة يوم 6 ابريل الماضي ادت الى مقتل احد الطلاب، وتعددت الاقاويل حول سبب المشاجرة ولكن اغلب الاحتمالات انها بسبب فتاة، وكان الشاب القتيل يحاول مناصرة اصدقاءه ولكن احد الخصوم قام باستخدام فرع شجرة وقام بضربه على راسه مما ادى الى نزيف بالمخ والوفاة.
وكان الشاب القتيل كان عائدا من لعب كرة القدم حين شاهد اصدقاءه في مشاجرة عنيفه فحاول التدخل مما ادى في النهاية لوفاته في المستشفى.
وقال البعض ان هذه المشاجرة والتي كانت في وقت متاخر من النهار استخدم بها اسلحه بيضاء وسنج ومطاوي.

تعليق المحرر
اين حرس الجامعه؟
يوم 6 ابريل بالذات يمكن يكون اكبر عدد من الحراس موجود ولا كلهم مشغولين بالاضراب
ولا هم كمان مضربين !!!

31 تعليق:

سلمى يقول...

فى اهمال كبير واستهتار والمفرود كل الحرس اللى كان موجود يتعاقب اشد عقاب وبعدين ايه الشباب المتشرده دى فى ناس فى جامعه بتعمل كده طب لو كانو فى الشارع كنا هنقول ماشى مفيش حد مسؤل دى كمان وصلت للقتل ايه الناس دى

غير معرف يقول...

احب اعرف المسئول اللى ف الجامعه هيتحاكم ازاى ولا هيتساب زى الللى بيتسابو وخلاص الولد راح منقولش المفروض واللى كان يحصل دلوقتى ايه اللى هيحصل ادينا مستنيين

شوشو يقول...

احب اعرف المسئول اللى ف الجامعه دا هيتحاسب ازاى ولا ايه الحكم اللى هيبقا عليه ولا هيتساب زى اللى بيتسابو الولد خلاص راح لا نقول المفروض ولا كان عايزين نعرف بقا ايه اللى هيحصل بعد كدا وادينا مستنين وياما هنشوف

غير معرف يقول...

ممكن اسأل بس السنج والمطاوى دخلت الجامعة ازاى
حسبى الله ونعم الوكيل

غير معرف يقول...

لما الجامعه يبقى فيها اهمال بالشكل ده يبقى المدارس لها عزر فى اللى بيحصل للطلبه من المدرسين
ونجيب بقى داده لكل طالب عاوز يتعلم تخلى بالها منه مدام الحكومه مش عارفه

محمد يقول...

انا طالب فى جامعة القاهرة والغالب هيكون سبب الوفاة هو الاضراب مش بسبب فتاة زى ما بيقولو

nony يقول...

دلوقتى بيتشاكلوا علشان بنت بكرة يتخانقوا علشان سيجارة
هم دول بقى شباب المستقبل
ربنا بستر علينا كل واحد فى البلد دى فى وادى الاباء والامهات فى وادى والعيال فى وادى الشعب فى وادى والحكومة فى وادى تانى خااااااااااااااااااالص

معلش طولت عليكوا
بااااااااااااااااااااااااااااااااااااى

غير معرف يقول...

ولية دايما نرمى المشاكل على البنات دايما ان بنت هى السبب فى المشكلة المشكلة مش فى امن الجامعة وبس المشكلة فى الشباب اللى مش بيحترموا الحرم الجامعى للاسف الجامعة بقيت لشباب معين مكان للتنزة وبس حتى لو كان السبب فتاة فانا كل ثقة انهم اكيد حاولوا يضايقهوا وهو كان انسان محترم كل اللى بطالب بية وقفة للشباب الى من النوع دة والامن كمان مش معنى انة معة الكارنية يبقى مسموح دخول اى اشياء اخرى
الله يرحمة ويصبر اهلة ويسكنة فسيح جناتة

عمرو نبيل يقول...

حسبي والله ونعم الوكيل فين الحرس ولا بس فالحين انهم يتمنظروا ع البوابة ده يدخل وده ما يدخلش وفين المسئولين حرام ياجماعة عليكم كدة اتقوا الله

ماهر يقول...

انا ماهر صبرى انا عاوز اقول ان ادى اخر البنات واليجرى ورا البنات والله ياجماعه حاولو تخلو الشباب يبقو مع ربنا مش كل حاجه روشنه صياعه لا اتقو ربنا شويه ارجو نمكم هذا الطلب شكرا فى رعايه الله

غير معرف يقول...

ya gama3a lazem yob2a fy wa2fa we n7awl nwasal sotna llmas2olem

غير معرف يقول...

دي مش بقت جامعه هو اللي رايح يتعلم ولا يتخانق علي بنت
بدل ما يدخل بكتب داخل بسنجه ومطوه طب ازاااااااااااااي
المفروض في امن في الجامعه حتي لو مش وصلهم الخبر يستنو لحد ما توصل للقتل ازااااااااااااااااااااااااي

غير معرف يقول...

Allah yer7amo we ye7sen elaih. ed3oolo ya gama3a. we el shabab el tayesh el 3ammal yet5ane2 3al banat a7eb a2olohom balaash 2araf...katko neela maleito el balad. Rabena yehdeena kolenna we n7awel nesalla7 men nafsena wel 7awalena, we nerakez keda 3ashan nenfa3 nafsena we baladna.

غير معرف يقول...

كل اللى فى الجامعة غلطنين الحرس والشباب كلوهم دلوقتى دخلين الجامعة علشان يتعرفوا على بنات ايه ده تعليم ولا فسحه ولو البنات تحترم نفسها ومتتكلمش مع الشباب مش هيحصل كده لاكن انا جوه الجامعة بشوف مهازل

غير معرف يقول...

الحرس كانوا فين كانوا موجودين بس مش عارفين يحلوها هو نقيب بس اللى كان واقف ومبيعملش حاجه
حسبى الله ونعم الوكيل

غير معرف يقول...

يا جماعة الأهمال مش بقا في الجامعات بس
الاهمال دلوقتي في مصر كلها بشوارعها شارع شارع بلا استثناء
ربنا يلطف بينا
ويارب بكرة يكون احسن
وعلي فكرة
انا في جامعة القاهرة

غير معرف يقول...

حسبى الله ونعم الوكيل

ماهر يقول...

انا ماهر هاقول مرة تانى انا عايز اقول حاجه وحدة بس هما الشباب الوخداهم البنات دول هيستفادو ايه بعد كدا من البنات والخنايق ها على العموم ربنا يهدى الفسدة وربنا يهدى برضو البنات البتجر الشباب على فعل ذاللك اللهم امين شكزا(fla7cool) shakorn

غير معرف يقول...

دى بقت فوضه مبقاش تعليم لأزم نقف وقفه قبل ما نبص نلاقى التعليم بقى غرزه ولا خرابه بيتلم فيها البلطجيه ويعلمو بعض الوقاحه والفساد مش يتعلمو ويفيدو بيه بلدهم وارجو الدنيا كلها تكون معايا فىالرأى دا

elpop يقول...

كل الكلام جميل وهايل بس تفتكرو لما هي خناقه علشان بنت يعني مفيشعسكر ضابط امين شرطه ادخل خالص ولا هي خناقه مع حد تاني وعلي حاجه تانيه تخلي الامن بدل ما يكون هو الي بيحل المشكله يبقي طرف في المشكله مش عارف بسسمعنا كتير عن ضابط عمل مش عارف ايه في طالب ولا امين شرطه في طالبه مش دورو وابحثو عن الحقيقه ومعليش كلامي كتير شويه اسالو اصحابو وهاتو شاهد عيان كلامي غريب صح ربنا يرحمو ويرحمنا

سلمى يقول...

احنا اكيد معاك بس هنعمل ايه!

غير معرف يقول...

بجد بقة فى فوضه وهمجيه فى بلدنا عامتآ والدليل على كده ان اللى حصل ده بيحصل فى جامعات كتير بس بطرق مختلفه وكل يوم ويريت المسؤولين بيحسه ( ولا الهوا)

غير معرف يقول...

انا مش زعلانه علشان انتوا بتقولوا المشكله بسبب بنت بس انا زعلانه ان انتوا سايبين المشكله الحقيقيه وهى ان خلاص مفيش امان حتى فى الجامعة المفروض نبص للموضوع من ناحيه تانيه فكروا كدا احساسكوا ايه لو انتوا من اصحاب الشاب دا او فكروا كدا فى البنت اللى بسببها المشكله ياجماعة الموضوع صعب وكلنا لازم نخاف وياريت نعمل حاجه واللى عنده فكرة ياريت يقدمها

الفرعون الصغير يقول...

قادره ياااااااااااا عالم المـــــــــــــوت على الانسان حق الــــــــــــــله
الفرعون الصغير.......؟

غير معرف يقول...

الدنياه ليه كده حرم بجد انتممش عارفين تعملو حاجه فى الجامعه دى ؟

غير معرف يقول...

القصه كاملة تقول ان دكتور ف كلية علوم هو وراء الحادثه وتسبب في اكتئاب حاد تبعه نزيف في المخ ثم قفز ف النيل

غير معرف يقول...

ربنا بكون فى عون الناس وبعد كده الشباب هتقتل بعضها علشان البنات

غير معرف يقول...

احنا خلاص ارواح الناس بقيت سهلة اوى كدة ايه الفساد دة ربنا يرحمه ويكون فى عون اهله والرسالة دى لوزير التعليم العالى اللى مغمض عينه عن الاستهتار ومفتحها على الجامعات الخاصة بس

غير معرف يقول...

كل اللى نقدر نقوله حسبان الله ونعمه الوكيل دول شكلهم طالبه متخلفين هما بقى كليه ايه وكمان فين الحراسه هو من الاخر ده استهتار

غير معرف يقول...

والله ياجماعه اذا كان حرس الجامعه غلطان قراط فهما غلطانين 24 قراط اه يعنى المفروض ده جاى علشان يتعلم ويذاكر ويشرف نفسه واهله مش جاى يتخانق ويعمل مشاكل احنا بقينا ناس كبيره مش محتاجين حد يمشينا كدا ولا كدا احنا لسه هندادى ولا ايه
alaa_lover2009@yahoo.com

محمد الغندور يقول...

دةاهمال كبير جدا من الجامعة خصوصا ان المشاجرة كانت تثير الانتباة كثيرا فانا كنت احد المحجزين فى العراك الذى اصبت بكسر فى يدى بسببه!!!!!!!!

إرسال تعليق

Nogoom FM نجوم اف ام



ادخل ايميلك ليصلك جديد الأخبار