كلمات اغنية شعبان عبد الرحيم الجديدة بعد زيارة اوباما


قرر شعبان عبدالحيم البدء بتسجيل اغنية جديدة حول زيارة الرئيس الامريكي باراك اوباما الى مصر وخطبته الشهيرة للعالم الاسلامي بجامعة القاهرة، وتعد هذه ثاني مرة يغني فيها شعبولا لباراك اوباما حيث قام بغناء اغنية له فور توليه الحكم وكانت تدور حول عدم الافراط في التفاؤل حول اوباما ...
وكلمات الاغنية الجديدة تقول :

من جامعة القاهرة ومهد الحضارة مصر، سمعنا باراك أوباما بيقول خطاب العصر.
علشان مصر الزعيمة اختارها لكلمته، وفاهم قيمة مبارك ومقدّر خبرته.
الكل قاعد منتظر أوباما هيعمل إيه، عايزين تفاؤل حذر منتكلش عليه.
الناس في كل الأماكن بيقولوا أحسن من بوش، وباينه كويس لكن أنا برضه مضمنوش.
كويس مش كويس عايزين يبقالنا دور، وبلدنا فيها ريس فاهم كل الأمور.
يا عربي ياللي واقف تتفرج من بعيد، دي رسالة لازم نفهمها ونستفيد.
يا عربي لم شملك يا عربي كفاية نوم، دي فرصة مش هتيجي ولا تحصل كل يوم.
متفتكروش أوباما ويّاه خاتم سليمان، هيقول افتح يا سمسم تتفتح البيبان.

لا نبالغ ولا بنقل من حبة السلام، ويا ريت يقدر يحل ميكنش بس كلام.
أصل الكلام كويس والناس بتقول جميل، بس إحنا اللى بيعجبنا بيتعب إسرائيل.
لو كان فعلاً كويس أكيد هيكرهوه، دول شر وكان عاجبهم سياسة بوش وأبوه.
أوباما كان خطابه للعالم أجمعين، للأمة الإسلامية ولصاحب أي دين.
بكرة الأيام هتثبت النية فيها إيه، لو خير كله هيدعيله ولو شر هندعي عليه.
فيه ناس مالهمش سيرة بيقولوا اشمعنى مصر، علشان مصر الكبيرة وصاحبة أغلى نصر






5 تعليق:

إرسال تعليق

Nogoom FM نجوم اف ام



ادخل ايميلك ليصلك جديد الأخبار